حمار او بيخيير
كليكي على التصويرة باش يبان ليك الحمار ديال الصح
واحد الستون جديد عوتاني وا راه ماديرش فالسوق،واش عمرك ضنتي شي نهار تلبس تيشورت مكتوب عليها “حمار او بيخير” الصراحة القضية حامضة بزاففففف، وراه متجيش تسب راسك براسك. واخا راه سبعا و خمسين فالمية ديال المغاربة امييون متايعرفو لا يقراو لا يكتبو ولكن راه ودنين الحمار مصورين فالتشورت لنتا تتبغي تبان بيه
.الفكرة ديال هاد الستون جات من عند شباب كازوي متعلم او قاري مزيان، المجموعة مكونة من تلاتة ديال الشباب حاملين احسن الشواهد التعلمية واخا ان الشواهد متتعنيش ان لي ماعندوش راه والو المهم ان هاد المجموعة تبتات الاسم ديالها في العالم ديال الستون او تمكنت تلبس احسن واكبر عياق فى كازابلانكا او الرباط تيشورت تيقول في لي لبسو انا حمار.
هاد الستون تيفكرني بواحد القالب كنا حنا الدراري في القسم تنديروه ببعضنا، كان العياق فينا ملي تتحلف عليه لابونض،تتلسق ليه انا حمار مور ضهرو. تنشكر اين ماروكان علا لفكرة ديال البي حيت هيا لي عطاتني لو ليان ديال الفيديو تتبين في خالد الجامعي لبس فيه الستون ديال حمار او بخير.
لي بغا المزيد من المعلومات عليه بالتقرير ديال نيشان حول الموضوع. اولا واحد الفيديو خاصة بالناس المتفلسفة
If you enjoyed this post, please consider to leave a comment or subscribe to the feed and get future articles delivered to your feed reader.
Comments
Pas encore de commentaire.
Laisser un commentaire